الدكتور اللي بيجيب من الأخر🩺
"انا حاسس نفسي احسن و العلاج تمام و كل حاجه بس العلاج غالي يا دكتور وانت عارف الدنيا معانا علي القد" جمله كثيرا ما تتردد علي مسامعي علي لسان المريض و مرافقيه اثناء الزياره الثانيه "الاستشاره"..و هنا يلزم التوضيح..حضرتك لا تقارن تكلفه روشته العلاج بتكلفه الروشته السابقه عند زميلي الدكتور المحترم لانك بكل بساطه لو كنت ارتحت عليها..مكنتش هتجيلي..صح؟..لا لما تقارنها يبقي تقارنها بتكلفه يوم واحد في العنايه المركزه بأقل المستشفيات الخاصه "بير السلم" في حاله عدم خضوعك لهذا العلاج..ساعتها هتلاقي اني بوفرلك مش بحملك اعباء ماديه اكتر..في ضوء الازمه الاقتصاديه الحاليه و مع علمي باسعار الادويه اللي بكتبها..فضميري المهني و حفاظاً علي اسمي اللي تعبت في بنائه يحُتم عليا اني اوفر للمريض قدر الامكان و انه من رابع المستحيلات اني اكتبله دواء هو ليس في حاجه اليه..بدليل اني لما بناظر نتائج التحاليل في الاستشاره ببلغ حضرتك انك مكنتش مواظب علي الدوا الفلاني وسط اندهاشك..فلست بساحراً ولا مشعوذا و لكن هذا يعني ان كل دواء في الروشته هيسمع في نتيجه التحاليل سواء ايجابا ً لو التزمت بشراءه و تناوله..او سلباً لو عزفت عن شراءه او اهملت تناوله..و مع احترامي لكل دراسات و تجارب شركات الادويه المصريه و العالميه و لكن استحاله فعاليه ابو جنيه هيبقي زي فعاليه ابو عشره و هناك بعض الاستثناءات القليله جدا..و هنا يحضرني جمله قالها اكثر من مريض "اديني جيت للدكتور اللي بيجيب من الاخر زي ما بيقولوا"..بفرح كتير لما بسمعها الصراحه 💙🤍